Lumipas ang ilang linggo bago nagpasya si Marcelito na tipunin ang kanyang pamilya. Sa loob ng mga panahong iyon, mas pinili muna niyang manahimik habang palihim na inaayos ang lahat para sa kaligtasan ni Iridessa at ng kanilang baby. Ginanap ang dinner sa penthouse ni Iridessa—isang paraan ni Marcelito para ipakita sa kanyang mga anak na seryoso siya sa pagpasok sa buhay ng dalaga.
Sa paligid ng hapag-kainan, nakabibingi ang katahimikan. Nakaupo ang magkapatid na nina Callisto at Calypso, kasama ang kani-kanilang mga asawa na sina Danika at Cressid. Ramdam ang bigat ng tensyon; ang bawat tunog ng kubyertos sa plato ay tila isang babala. Hindi makatingin nang diretso ang mga anak kay Iridessa, habang si Marcelito naman ay kalmadong pinagmamasdan ang kanyang pamilya.
Nang matapos ang main
