"Maayos na ba ang lahat ng gamit mo, Isabela?"
Napalingon si Isabela sa babaeng nakatayo sa may pintuan ng kaniyang kwarto. Nakasimpleng dress ito ngunit makikitaan naman ito ng pagkasopistikada. Nakalugay ang alon alon nitong buhok, at kahit na may kaedadan na ito ay nababakas pa rin ang angking ganda at tindig. Hindi naging hadlang ang lumipas na panahon upang lumabas ang angking ganda nito.
"Opo Tita Crista. I'm ready," nakangiting sambit niya sa ginang.
Si Crista Zaavedra ang asawa ng kaniyang ama na si Gilbert Zaavedra. Ngunit gayunpaman ay nagawa siyang tanggapin ng ginang at itinuring na rin siya nitong parang tunay na anak.
Nag-migrate na ang mag-asawang Zaavedra sa Canada kasama ang anak na si Sophie Zaavedra, ang kapatid sa ama ni Isabela. Habang siya naman ay apat na taon n
