“Lucas, maraming salamat talaga sa tulong mo. Ikaw na muna ang bahala sa Inay habang wala ako,” sambit ni Isabela habang inaayos niya ang kaniyang mga gamit.
“Walang anuman iyon. Pero sigurado ka na ba talaga na sasama ka sa Business Conference ng boss mo?” alanganing tanong naman sa kaniya ng binata.
Bahagyang natigilan si Isabela habang kusang naalala niya ang napag-usapan nila ni Uno noong isang araw.
***
“Sige po Sir, pumapayag na po ako, basta masigurado niyo po na walang makakakilala sa tunay kong pagkatao,” mahinang sambit ni Isabela.
Nais ni Isabela na kutusan ang sarili dahil sa pagiging marupok niya. Sinabihan lamang siya ng boss niya na kailangan siya nito kaya heto, nagawa niyang pirmahan ang isang kontratang ni minsan ay hindi niya naisip na papasukin niya. Nag-aral siya
