Natapos ang buong araw na lutang na lutang ang isipan ni Isabela. Paulit ulit na naglalaro sa isipan nito ang mga nangyari kaninang umaga. Ipinagpasalamat na lamang niya na pagkatapos nilang mag-usap ng boss niya ay umalis na ito ng opisina at hindi na muling bumalik pa. Ipinagbigay alam din nito kay Lucas na hindi na niya kailangan pang hintayin si Uno at maaari na ring umuwi pagsapit ng alas singko.
Sa kasalukuyan ay nag-aayos na siya ng kaniyang gamit sapagkat limang minuto na lamang bago mag-alas singko. Kahit papaano ay napanatag ang kaniyang loob dahil hindi pa niya nakikita ulit ang kaniyang boss. Hindi pa rin niya lubos maisip na hinalikan siya ng isang Uno Ichiro Marasigan, at hindi niya alam kung paano magre-react tungkol dito. Alam naman niya sa sarili niya na walang malisya an
