Hindi akalain ni Monica na darating ang araw na kailangan niyang sagutin si Alexander tungkol sa bagay na matagal na niyang gustong kalimutan.
"There's no such thing as a butterfly," mahinahon ngunit matigas niyang sabi habang pilit na iniiwas ang tingin. "It’s just a scar."
Tahimik lang si Alexander, nakasandal pa rin sa gilid ng pool, habang nakatitig sa kanya na para bang sinusubukang basahin ang totoo sa likod ng mga salita. Ang mga patak ng tubig mula sa kanyang buhok ay bumabagsak sa matipunong balikat nito, at ang mga mata niya ay seryoso, masyadong seryoso para sa isang simpleng tanong lang.
Hindi alam ni Monica kung paano ito ipapaliwanag. Ang “butterfly” na tinutukoy ni Alexander ay hindi basta mark lang.
Noong ipinanganak siya, napansin agad ng kanyang ina ang kakaibang mark
