Khloe Amelia's POV
Hindi mawala-wala ang paghanga sa mga mata este sa buong mukha ko. Ngayon umaga ko lang napagtanto ang ganda ng pwesto ng kwarto namin ni Neandro dahil pag-uwi namin kahapon, natulog agad ako.
Ang salamin na nakikita mula sa labas ng gusali at kakaiba naman dito sa loob. Nasa pinakataas na palapag kami ng gusali na 'to ni Neandro at nakaharap ako sa bintana ngayon habang nakalapat ang dalawang kamay ko salamin.
Kitang-kita ko mula sa pwesto ko ang iba-ibang gusali na nagsisitaasan din. Sa ibaba naman ay ang mga sasakyan na nakapila sa mabigat na trapiko. Hindi ko rin naririnig ang ingay sa labas dahil sa makakapal na salamin at dingding.
"Magbihis ka na. Tama na kakatingin diyan."
Napalingon ako kay Neandro na nakabihis na ngayon. Pants na brown at t
