"Please, huwag nyo ituloy ang inutos sa inyo! Huwag ang anak ko! Gagawin ko ang lahat ng ipinapagawa ni Mr. Mercado, pero huwag nyo kaming saktan!" pagmamakaawa ni Katrina. Hindi niya alam na ako si Anastasia, ang dati niyang kaibigan.
Hindi ako nakatiis at nagsalita, upang maibsan ang kanyang takot. "Kunin mo ang mahahalagang gamit mo, at maghanda ka na. Itatakas ko kayo. Mabilis tayo dahil oras ang kalaban natin."
"Salamat! Maraming salamat!" sagot niya habang niyayakap ang anak niyang umiiyak. Agad silang kumilos, nagmamadali sa pag-empake ng mga gamit. Habang nagmamasid ako sa paligid, napako ang tingin ko sa isang lumang litrato namin ni Katrina – yakap-yakap namin ang isa’t isa, habang tumatawa. Hinawakan ko ito ng walang kamalay-malay.
Naputol ang aking pagmuni-muni nang may nags
