Naghanap siya ng pwesto kung saan hindi siya makikita ni Levi at doon kaagad siya pumunta at sinundan siya ni Jhon na nagtataka. Hindi pa rin nawawala ang kaba sa kanyang dibdib ng mga sandaling iyon.
"Oh, bakit ka lumipat? Mas maganda nga ang pwesto natin doon."
Kaagad niyang idinampi sa kanyang labi ang hawak na wine glass at uminom. Mapait iyon pero tiniis niya para mawala ang tensyon na nararamdaman.
"Wala lang. Naiilang kasi ako doon sa pwesto natin." Pagkukunwari niya.
"Oh, why? Look at yourself dude, ang ganda ng mga suot natin bakit ka maiilang?"
"Basta. At saka anong oras pala tayo aalis?" At inikot niya ang kanyang paningin dahil baka nandoon si Levi sa malapit sa kanilang kinatatayuan.
"C'mon, wala pa nga tayong isang oras dito gusto mo na umalis? Ayos ka lang ba? Bak
