DAHAN-DAHAN na tumayo si Daniel, mula sa kama para hindi magising si Thisa. Inayos din niya ang comforter, para hindi ginawin ang asawa. Humihikab siyang naglakad patungo sa banyo, para maglinis ng katawan. Mabilis lang ang ginawa niyang pag shower at nag toothbrush na rin siya, saka tinuyo ang katawan at nag bihis. Muling lumapit si Daniel sa higaan at hinalikan ang lips ni Thisa, bago siya tuluyang lumabas ng kuwarto.
Patakbong bumaba ng hagdan si Daniel, upang ihatid sa school ang kanyang anak. Nadatnan niya ito sa labas, at patuloy na nagmamaktok.
"Ako na ang maghahatid sa 'yo, baby. Hayaan mo na ang daddy at mommy mo na matulog." Paki usap ni Mary Jane sa pamangkin.
"Gusto ko ang Daddy ko! Ako ang baby ni Daddy, dapat ako ang uunahin niya. Ang tanda-tanda na kasi ni payat, pinap
