"Ah kuh!" Pabulong na sambit ni Thisa, habang pinagmamasdan niya ang mabilis na paglalakad ni Aaron, palapit sa kanya. Gustuhin man niyang salubungin ng yakap ang kanyang pinsan, ngunit ayaw niyang magpakita ng anuman na kahinaan sa harapan nito.
"Bumalik kana sa bahay, kami na ang bahala rito." Ma-otoridad na saad ni Aaron. Naka suot din ito ng mascara, kaya hindi makikita ang tunay na mukha ng binata. Ngunit ang tindig nito ay hindi maipagkakaila na siya si Aaron Go. Ang mahal na pinsan ni Thisa. "Kunin mo 'to, at ilagay mo sa ulo at mukha mo. Baka may makakita sa 'yo na galing ka dito, mabuti nang laging nag-iingat." Sabi pa ng binata, saka ibinigay ang kanyang balabal na laging nakapulupot sa kanyang leeg.
"Thank you, kuya." Malumanay na sagot ni Thisa. Binitawan na rin niya ang hawa
