زواج لمصلحة العائلة

الفصل الرابع (4)

البارت الرابع من روايه زواج لمصلحة العائله

سيسيل .فى نفسها نهاااار اسوح هو ده العريس هى مالها بردت كده ليه استر يا رب انا قلبي مش مطمن

قطع شرودها احمد..لوسمحت يا استاذ حامد ممكن نسيب العرسان لوحدهم شويه

حامد ..اه طبعا ممكن وجلسوا سويا في مكان بعيد عنهم نسبيا ولكنهم يستطيعون رؤيتهم

أدهم ..اذيك يا عروسه لو كنت اعرف انه انتى مكنتش جيت

سيسيل ..احسن منك .انا كمان لو كنت اعرف انه أنت كنت ساويتك بالاسفلت يوم ما اتقابلنا

أدهم. .اتلمى يا بت انتى مش شايفه نفسك انك منفوخه على الفاضى

سيسيل هههههه سبتلك انا النفخ انا بحب الطبيعي

أدهم..مصيرك تقعى فى ايدى ساعتها ولا بلاش خليها مفاجأه

سيسيل. .مين قالك انى هقع فى ايدك انا كنت موافقه على الجوازة لكن لما عرفت ان انا العريس انا لا يمكن أوافق

انت لازم تطلع دلوقتى وتقولهم ان انت مش موافق

أدهم ..ههههههههه مين اللى قالك كده انا موافق جدا ده انا مصدقت انى شفتك علشان أعرفك مقامك كويس

سيسيل. .ايه اللي انت بتقوله ده انا لا يمكن أوافق على كده

أدهم ..لا هتوافقى اكيد انتى مش عايزه تخسرى اخوكى

قطع حديثهم ...حامد ..ها يا ولاد اتفقتوا على ايه

جاءت سيسيل لترد قاطعها ادهم ...اه يا عمى احنا موافقين وهننزل بكره نشترى الشبكه

نظرت له سيسيل بصدمه وعقدت الصدمه ل**نها فلم ان تتفوه بشئ

حامد ..تمام تعالى نتفق على كل حاجه

أدهم أمام الجميع ..لو سمحت يا عمى انا عايز كتب الكتاب مع الشبكه والفرح بعد شهر

نظر له الجميع ولكن الصدمه كانت من نصيب عائلته لأنه قبل ان ياتى كان يرفض الزواج والان يريد كتب الكتاب مع الخطوبه

حامد ..ليه التسرع ده احنا نعمل خطوبه علشان تتعرفوا على بعض كويس وكتب الكتاب بعدين

أدهم. .انا بقول كده علشان نتعرف على بعض ونتعامل مع بعض من غير قيود لأني مش هقدر أتعامل معاها وهى مش على ذمتي

وافق والد سيسيل بعد الحاح من ادهم واتفقوا على أن يأتي ادهم غدا لشراء الشبكه

بعد رحيل أدهم وعائلته صعدت إلى غرفتها وهى تفكر ما الت إليه الأمور وحادثت أروى

سيسيل. .الحقينى يا اروى وقصت لها ما حدث

أروى ..يا نهار مش فايت يعنى انتى هتتجوزى الجلنف اللى انتى اتخانقتى معاه

سيسيل. .اه ده حتى ناويلى على نيه سوده وبيقولى خليها مفاجأه

فى فيلا أحمد السوهاجى

سناء. .العروسه زى القمر انا كده مش قلقانه من حاجه ربنا يتمملك بخير يا حبيبى

حادثت سناء أختها سميره وقصت لها ما حدث

فى الصباح كانوا يتناولون الافطار

دخلت فتاه وهى فى قمة الغضب اسمها نفيسه استوب

نفيسه ابنه خالة ادهم فتاه تحب ادهم ولكن ليس لشخصه بل لمكانته وأملاك عائلته يعنى من الاخر كده علشان تتفشخر بيه قدام الناس وتضع على وجهها الكثير من مساحيق التجميل يعنى من الاخر شبه عروسه المولد

نفيسه ..هاي يا جماعة لو سمحت يا ادهم عيزاك فى كلمتين

أدهم وهو ينهض اوكيه

نفيسه ..انت بجد هتخطب الخميس الجاى

أدهم .ايوه يا نفيسه وهروح النهارده ان شاء الله علشان نشترى الشبكه

نفيسه. .بطل تقول نفيسه انا قلت اسمى نانى

ادهم. .هههههههههه نانى ايه بس ده حتى مش لايقه اخره اسم كيس بسكوت وتركها وهى فى قمه غضبها

نفيسه ..ماشى يا أدهم أنت بتتريق عليا مبقاش نانى لو الجوازه دى تمت انت بتاعى انا وبس والل هتفكر تقرب منك هفرمها

فى فيلا حامد الشرقاوى

سيسيل وهى تجلس مع أروى وهند وقصت لهند ما حدث منذ البدايه

هند ...هههههههه ده انتى وهو كده هتولعوا فى بعض

أروى ....اه والله انا متشوقه اشوف الماتش من أوله

هند ..تفتكري يا أروى مين اللى هيسلم نمر الأول

سيسيل. .بس انتى وهى انتوا بدل ما تساعدونى بتحفلوا عليا

قاطعتهم دريه .دريه. .يالا يا سيسيل اجهزى لان أدهم هييجى كمان ساعه وتركتهم وذهبت

أروى ...هههههههههه الماتش بدأ بدري

حضر ادهم وعائلته

احمد ..يالا يا جماعه علشان نلحق نشترى الشبكه

دريه ..ثوانى بس سيسيل نازله حالا

نزلت سيسيل وكانت ترتدى فستان من اللون النبيتى وبه بعض الورود باللون الذهبى وارتدت حجاب من اللون الذهبى فكانت جميله بحق عندما رآها ادهم سرح فى جمالها لم يفق الا على صوت والده احمد يالا يا ادهم علشان منتاخرش ركبت كل عائله فى سيارتها

وصلوا إلى محل الصائغ

انتقت سيسيل شبكتها بمساعده دريه وسناء وانتقت اشياء بسيطه ولكنها انيقه وجميله وانتقى أدهم دبلته واعطوا الصائغ الدبل ليكتب عليها الاسامى

رجعت كل عائله الى منزلها

في اليوم التالى فى فيلا حامد الشرقاوى

خرجت سيسيل مع اروي وهند لشراء فستان الخطوبه

أروى ...انا تعبت يا سيسيل مفيش حاجه عجباكى

هند ..امال فى فستان الفرح هتعملى ايه انا بتعملى كده ل فستان الخطوبه ارحمينى يرحمك ربنا انا رجلي ورمت

سيسيل فى نفسها ده انا هلففه مصر كلها وبرده مش نختار حاجه افاقت من شرودها يالا ده اخر محل هنشوف فيه

دخلوا المحل وانتقوا فستان فائق الجمال

يوم الخطوبه حضر الأهل فقط ولم يعزموا أحد

حضر أدهم وكان يرتدى بدله كلاسيكي سوداء وكان وسيم لدرجه تخ*ف الأنفاس

معتز ..ايه الشياكه دى يا عريس امال لو مكنتش مغصوب على الجوازه دى كنت عملت ايه

ادهم. .خفه لم الدور انا مش ناقصك شوف نفسك بعيد عنى

معتز ..عندك حق انا اروح اشوف الصاروخ اللى شفته من شويه حاجه موردتش عليا قبل كده

نزلت سيسيل وكانت ترتدى فستان من اللون الأحمر الداكن يضيق عند الص*ر ويتسع بعد ذلك الى الأسفل ويحتوى على عده طبقات ويوجد حزام عند الخصر من اللون الذهبى وارتدت حجاب من اللون الذهبى ووضعت القليل من مساحيق التجميل فكانت جميله بحق

حضر المازون وبدأت مراسم كتب الكتاب وشردت سيسيل فى مستقبلها مع أدهم آل تفق الا على صوت المأذون وهو يقول بارك الله لكما وبارك عليكما وجمع بينكما فى خير

أمضى يا بنتي مضت سيسيل وقلبها يرتجف

ماذا سيحدث انتظرونى البارت الجاى رأيكم يهمنى

@شوشيتا @