زواج لمصلحة العائلة

الفصل السابع 7

البارت السابع من رواية زواج لمصلحة العائله

نفيسه .الحقي يا ماما شوفى بتقول عليا سميرة. انتى ازاى تقولى لبنتى كده دى اجمل منك يا بت انتى دى متعلمه فى امريكا

سيسيل .بنت حضرتك اللى غلطت فيا الأول وانا استحاله اسيب حقي بعد اذنكم وهمت لتخرج لولا ان يد ادهم منعتها

أدهم .استنى يا سيسيل انتى مغلطيش علشان تمشي كده

نفيسه .اعتذرى منها دلوقتى

سميرة. انت عايز بنتى انا تعتذر من الأشكال الزباله دى

ادهم. خالتى لو سمحتى دى مراتى ومسمحش لحد انه يهينها مهما كان وبنتك غلطت يبقى لازم تعتذر وانتى يا نفيسه اعتذرى منها وإلا تنسى أن انا ابن خالتك اوتعرفينى

نفيسه. فى نفسها كده يا ادهم ماشى هعتذر لان انا مش عايزه اخسر الماتش اللى مبداش لسه

نفيسه. .انا اسفه وتركتهم وذهبت هى وامها

سناء. .معلش يا سيسيل سامحيهم علشان خاطرى انا

سيسيل. خلاص يا طنط محصلش حاجه

سناء. طب يالا ناكل بقي واتغدوا مع بعض لأول مرة وسيسيل بتفكر فى اللى ادهم عمله وحاسه ناحيته بإحساس غريب اول مرة تحس بيه

سناء .يالا يا ادهم ف*ج سيسيل على الجنينه بتاعه الفيلا

أدهم .يالا يا سيسيل. ...سيسيل مشيت مع أدهم ومحدش فيهم بيتكلم

سيسيل..انا متشكرة اوى يا ادهم على اللى انت عملته عشانى جوه انا مش عارفه اقولك ايه

أدهم ..ههههههههههههه انتى مفكرة يا حلوه ان انا عملت كل ده علشانك

سيسيل. .امال عملت كده ليه انا مش فاهمه حاجه

أدهم ..افهمك يا قطه يا بنتى انا عملت كل ده علشان انا واخد عهد على نفسي ان مفيش حد يهزقك ولا يذلك ولا يمسح بكرامتك الارض غيري انا بس

سيسيل. .اه يا حيوان يا زباله وانا اللى كنت فاكره انك بقيت محترم وقلت لنفسي انسي اللى فات ونتعامل مع بعض كويس وانت طلعت زباله

أدهم مسك ايديها حامد ..لا انتى لمى الدور احسنلك بدل ماربيكى من اول وجديد

سيسيل. .ههههه تربينى يا عم روح ربى نفسك الأول انت محتاج تربيه اكتر منى

أدهم بت انتى قاطعه رنين هاتفه ...اللواء إسماعيل

.أدهم تعالى دلوقتى وهات معاك معتز فى مصيبه حصلت

أدهم ..حاضر يا فندم مسافه السكه

أدهم ..حسابك معايا بعدين

فى مبنى اداره العمليات الخاصه

أدهم خير يا فندم

اللواء إسماعيل. الزفت اللى اسمه السواح عرف أننا بندور وراه بس معرفش مين الظباط اللى ماسكه القضيه

أدهم ..عرف ازاى بس يا فندم

معتز ..اكيد ليه حد هنا بينقله الأخبار

اللواء إسماعيل. .لسه مش عارفين هو عرف ازاى علشان كده عاوزكم تكشفوه بسرعه لان مفيش وقت

أدهم ..تحت امرك يا فندم

في فيلا حامد الشرقاوي

دخلت سيسيل وجدت أمها وادم وهند يشاهدون التلفاز

سيسيل. .متجمعين عند النبي ان شاء الله

هند .اذيك يا سيسيل. .هو كان حلو اوى كده عشان كده اتاخرتى هناك وغمزتلها

سيسيل. .وقد غضبت من هند هو ايه اللى حلو ياهند

هند ببراءه ..اكل حماتك انا دماغك راحت لفين يا قلبى

دريه ..وقد فهمت ما ترمى إليه زوجه ابنها ..اه صحيح يا سيسيل حلو زى ما هند بتقول وغمزتلها هى الاخرى

سيسيل. .لا بقى انتوا فريقين ورايقين وانا عايزه انام تصبحوا على خير وتركتهم وذهبت

سيسيل. تتقلب في نومها انا يعمل فيا كده والله لاوريك يا ادهم الكلب مين هى سيسيل. بس اللى انا مستغرباله ازاى الحربايه بنت خالته اعتذرتلى بالسهوله دى ربنا يستر انا مش مطمنالها

فى الصباح استعدت سيسيل للذهاب إلى كليتها

سيسيل. وهى تتحدث فى الهاتف حاضر يا أروى مسافه السكه وجدت من يجذبها إليه ويكتم فمها واخذها الى مكان جانبى حتى لا يراهم أحد وكانت سيسيل تتلوى بين يديه

أدهم..اهدى انا ادهم

سيسيل. .انت مجنون ولا ايه انت ازاى تعمل معايا كده انت اتتجننت ولا ايه

أدهم ..حصل خير وبعدين انا لسه معملتش حاجه ابدا

سيسيل. .ياااه لسه معملتش امال عايز تعمل ايه

أدهم ..عايز اعمل كده وقبلها بقسوه

سيسيل صفعته على وجهه انت إنسان زباله و قليل الأدب وتركته وذهبت

أدهم ..انصدم من رده فعلها ولكنه كان يتوقع أن يكون رد فعلها قوى ولكن لم يتوقع هذا

أدهم ..وربنا ل اوريكى واندمك على اليوم اللى فكرتى تعملى معايا كده وذهب و ركب سيارته وقادها بسرعه جنونيه

أدهم ..اتصل بوالده

أدهم ..ايوه يا بابا انا هوضب الشقه بتاعتى وافرشها علشان نتجوز فيها انا وسيسيل

احمد ..انت مش قلت هتتجوز فى الفيلا غيرت رأيك ليه

ادهم. .انا هقعد فى الشقه شهرين كده وبعدين انقل الفيلا

احمد ..خلاص يا حبيبي اعمل اللى يريحك

أدهم ..انا هتصل بعمى حامد واحدد معاه ميعاد الفرح بعد تلات أسابيع

احمد..ماشي يا حبيبي مع السلامه

اغلق ادهم الهاتف واتصل لوالد سيسيل

أدهم اذيك يا عمى كنت عايز اقابلك دلوقتى ضرورى

حامد..انا الحمد لله كويس انا فى الشركه وهستناك يا حبيبى

أدهم ..تمام يا عمى مسافه السكه ولكن عندك

فى مقر شركه حامد الشرقاوى

حامد..اتفضل يا أدهم اذيك يا ابنى عامل ايه

ادهم. الحمد لله انا تمام يا عمى بس عايزك فى موضوع مهم

حامد. اتكلم يا حبيبي انا سامعك

أدهم ..انا يوم ماقريت فاتحه سيسيل قلت لحضرتك ان الفرح بعد شهر ودلوقتي فات أسبوع ده معناه ان الفرح دلوقتى بعد تلات أسابيع حضرتك رايك ايه

حامد. .انا موافق يا حبيبي على خيره الله وانا مطمن مع بنتى معاك

أدهم .شكرا يا عمى استاذن انا بقي الحق أجهز كل حاجه

خرج ادهم وهو يبتسم بانتصار خلاص يا سيسيل قدامك تلات اسابيع وتقعى تحت ايدى

فى فيلا حامد الشرقاوى

وصلت سيسيل الى الفيلا وهى منهكه

سيسيل. .اذيك يا ماما انا طالعه انام انا جايه هلكانه اوى

دريه ..تنامى ايه بس يا حبيبتى الف الف مب**ك يا قلبى واحتضنتها

سيسيل. .مب**ك على ايه بس يا ماما

دريه. .خلاص يا حبيبتى فرحك انتى وادهم بعد تلات أسابيع .وابوكى قالى انزل انا وانتى من بكرة نجيب اللى ناقصك والله كبرتى يا سيسيل واشوفك عروسه

انا سيسيل نزل الخبر عليها كالصاعقه فلم تتفوه بشيء

يا ترى إيه اللى هيحصل استنونى البارت الجاى رأيكم يهمنى

@شوشيتا @