Matapos ang paghuhugas namin, humiwalay muna ako kay Ailee para puntahan ang mga kapatid ko at si Emman para makapag-paalam kila Mama at Papa dahil uuwi na daw sila, baka gabihin pa lalo sa byahe.
Sinundan nila ako sa labas ng bahay kung nasaan naghihintay na sila Mama at Papa. "Ma, Pa, sigurado po ba kayong ayaw niyong mag-stay dito kahit ngayong gabi lang? May bakante pa naman pong kwarto d'yan." tanong ko sa kanila.
"Hindi na hijo. Sayang ang espasyo, baka may ilang bisita rin makikitulog rito. Mas mabuting sa bahay nalang kami." saad ni Papa. Nilapitan naman niya si Emman at maging sila Alyssa at Benjie para guluhin ang mga buhok nila. "Mag-iingat kayo. Mag-aral ng mabuti. Huwag niyong sayangin ang mga pinaghirapan ng Kuya niyo sa inyo." pagpa-paala ni Papa
"Opo Papa." sabay na sabi
