Nagising ako dahil sa taong maingay at lumulundag sa kama ko. Kahit mabigat ang katawan ko ay tumayo na ako. Tinitigan ko siyang masama pero tinawanan niya lang ako.
“Dang, tar ana. Maglilinis pa tayo.”, tsaka siya tumakbo palabas ng kwarto ko. Kinuha niya ang mga walis tambo, basahan, at dustpan. Siya na raw ang bahala sa mga kwarto at sala, habang ako naman ang sa kusina at banyo.
Mahigit tatlong oras na akong nagliinis pero hindi pa din ako natatapos. Naiisip ko na ding kumuha ng katuling para hindi na ako napapagod ng ganito, at hindi na din maabala pa si Mikee.
"Kaya pa?", tanong ni Mikee nang mapadaan siya. Natapos niya ng linisin ang sala at kwarto kaya isinabay niya na din ang paglalaba ng mga damit ko. Hindi ko mapigilang matawa dahil kumbaga sa damit, overused na s
