INIPON ko ang lahat ng lakas ng loob at buong lakas na binawi mula sa kanya ang siko ko. Mariin ko siyang pinukol ng tingin na tila nagbabanta.
"Tigilan mo ako," nagpipigil kong sabi. Ayaw kong makagawa ng eksena sa restaurant ni Khai lalo na't alam ko kung gaano ka-espesyal ang gabing ito para sa kanya. Ayaw ko itong masira nang dahil lang sa akin at sa lalaking ito.
Mapaglaro siyang tumawa. "You still haven't changed, Katie. Ang tapang mo pa rin. That's why I like you so much."
Nang makitang akmang lalapit na naman siya sa akin, nanlalaki ang mga mata kong mabilis na umatras palayo sa kanya. Hinding-hindi ko na hahayaang mahawakan niya pa muli ako!
Tinigilan niya ang balak at napangisi. Mukhang mas lalo pang natutuwa sa ikinikilos ko sa harapan niya.
Sa aming dalawa, mukhang siya an
