Nagpunta ang magkasintahan sa morgue kung saan naroon ang katawan ni Joyce. Sakto lang din ang pagdating ni Jaeryll kasama si Imee.
“Anong nangyari?!” natatarantang tanong ni Jaeryll.
Medyo kinabahan si Christine dahil baka siya ang sisihin sa pagkamatay ni Joyce.
“Nadamay raw sa gang war,” sagot ni Christine.
Nakikita nila na namumula na ang mga mata ni Jaeryll. Kaunting sandali na lang at bubuhos na ang mga luha sa kaniyang mga mata.
“Saan siya?!” tanong ni Jaeryll.
Medyo lumalakas na rin ang tono ng boses ni Jaeryll.
Itinuro naman ng staff kung na saan nakahiga si Joyce. Agad na nilapitan ni Jaeryll ang bangkay at binuksan ang nakatalukbong na kumot.
Hindi makita nila Christine ang mukha ng bangkay dahil hindi sila masyadong lumapit roon. Nakita na lamang nila ang pagtulo ng mga
