Pinilit ni Alexa na ngumiti at ipinakita sa mga naroon na matatag siyang babae. Oo, nahulog ng tuluyan ang kaniyang loob kay Jaeryll dahil sa pagiging maalalahanin nito at maginoong pag-iisip.
“Ano ka ba!” bulalas niya.
Hinawi niya ang kamay ni Jaeryll sa kaniyang mukha at tumawa.
“Okay lang ‘no! Hindi naman naging tayo, atleast nagpakatotoo ka,” aniya.
Nang malaman ni Joyce na ayos lang si Alexa at hindi naapektuhan sa nangyari ay napatayo na ito sa kinauupuan at nagtanong.
“Nice! P’wede na ba akong magpinta na?” tanong ni Joyce.
Napatingin ang lahat sa kaniya.
“What? As if naman na kasama ako sa isyu na ito? No, right?” wika ni Joyce.
Napasinghap si Christine. Tama naman ang sinabi ni Joyce na wala siyang kinalaman sa dalawa pero as one of the staff ng gallery, she’s here to be a
