Halos mahulog ang mga panga ng mga lalaki sa loob ng bulwagan pagpasok ni Marie. Wala man sa kanya ang spot light ngunit sapat na ang kislap ng kanyang mga mata para mapansin ng mga naroon. Bagay na bagay din sa kanya ang suot na puting evening gown na may sequins na kulay pilak mula sa dibdib hanggang sa laylayan. Bahagyang halata ang kalakihan ng hinaharap ng dalaga ngunit desente pa ring tignan. Binigayan pa ang napakagandang damit ng naggagandahang mga alahas. Isinuot niya lahat ng ibinigay ni Eric. Pero may mga alahas man o wala ay talagang lutang ang kagandan ng dalaga. Nagtaas naman ng kilay ang ilan sa mga kababaihan na naroon at nagsimulang magbulung-bulungan. Ngunit mas marami ang humanga.
Matapos makapasok ng tuluyan ay nagpaalam na si Jigs sa kanya. Iniwan siya nito sa tapat n
