Karina's Pov:
Halos hindi ako makahinga nang makita ko ang mukha ng aking mahal na anak na si Kelsey. Pulang-pula ang pisngi niya na tila namamaga pa at putok ang nguso. Kaya naman hindi ko napigilan ang sarili ko na bugbugin ang taong gumawa sa kan'ya ng ganoon.
Paano niya natiis ang manakit ng isang bata, wala ba siyang puso? Tila nabibiyak ang puso ko sa tuwing susulyapan ko ang aking anak na dumadaing sa sakit. Pati ang anak-anakan niya ay sinaktan niya rin. Namamaga ang likod ng bata. Mabuti na lang at wala itong bali sa likod dahil inihagis ng walangyang babaeng iyon.
Awang-awa ako sa tinamo ng mga batang ito. Hindi dapat sila nakakaranas ng ganon. Sinisi ko ang sarili ko dahil hinayaan kong lumabas mag-isa ang aking anak. Hindi dapat nangyari ang bagay na iyon kung hindi sa aking
