Pagkarating ng mga magulang ni Dinnah sa bahay-bakasyunan, agad siyang nag-sorry sa mga ito dahil sa biglaan niyang pag-uwi kaninang umaga.
Mahina niyang ikinuwento sa kanyang Ina at Ama ang paglapit ni John sa kanya sa may kuwadra, at ang mga sinasabi nito—na dahilan kung bakit umuwi agad siya kahit na kararating lang nila sa bukid. Naiintindihan naman si Dinnah ng kanyang mga magulang.
"Naiintindihan ka namin, anak. Nakita ko nga siya na lumapit sa'yo." Ang sabi ng kanyang ina na sapat na para kahit paano'y gumaan ang kanyang loob.
"Sa totoo lang ay nakita ko din si John na lumapit sa'yo, Anak. Hindi ko lang alam kung pati ba si Donnah ay nakita din ba niya ang paglapit ng asawa niya sa'yo. Pero sa tingin ko ay nakita niya nang kami ay paparating dahil sa tono ng pananalita at galit
