DIANA POINT OF VIEW
"Tuwang-tuwa ka sa nangyari, 'no?" Kahapon pa siya nakangiti. Nagluluto siya ngayon ng agahan namin habang si Philie, ngayon pa lang lumalakad palapit sa amin. "Gising na ang prinsesa natin," bati ko sa kanya at kiniss niya naman ako sa pisngi.
"Daddy, ang sarap naman po niyan. Favorite ko po ba 'yan?" Ngumiti siya nang malawak at niyakap si Andrew na may hawak pa ring sandok.
Simula ngayong araw, Andrew na ang itatawag ko sa kanya. Pagkatapos kasi ng nangyari kahapon at sa mga sinabi niya. Parang gusto kong bigyan ng chance na makilala ang Phillip ko ngayon. Kung sino ba si Andrew Delos Santos at kung ano ang kaibahan niya sa Phillip Santiago na nakilala ko.
"Hindi mo ba nagustuhan?" nauupong tanong ni Andrew sa anak.
"Daddy, bakit walang strawberry?" Ngumuso siya
