PHIL POINT OF VIEW
Kanina pa kami nagpapakiramdaman dito. Seryosong naghihintay sila Will ng pagkakataon at titingin-tingin lang sa amin ni Xander. Si Xander naman ay nakataas pa rin ang mga kamay at hindi makagalaw dahil kay Arnold.
"Maganda na sana ang mga plano ko, Felipe. Pinatakas kita sa kulungan para patayin at ako na ang kilalanin niya. Pero ginagawa mong komplikado talaga ang buhay ko. Kaya pasensyahan na lang tayo." Ngumisi siya nang may pagkademonyo at biglang nagpaputok.
Napapikit ako sa sobrang kaba. Sa amin lang ni Diana nakatutok ang baril niya kaya naman mabilis akong napamulat nang hindi sa akin tumama ang bala. Tinignan ko agad si Diana na may paglulumo.
"Natakot ka ba?" mapang-asar na tanong ni David.
"Ivan!" Malakas na ang pag-iyak niya. Nakatingin siya sa kamay ni
