DIANA POINT OF VIEW
Kabado kong inaayos ang paldang suot ko habang naghihintay sa labas ng HR office. Mapanadya talaga ang ama ng anak ko. Hindi niya binanggit na ang kumpanya pa lang sinasabi niya ay ang Golden Hangshin International.
Mas mataas at hamak laki nito ng sampung beses sa kumpanya namin dati. Mali, hamak laki talaga nito. Isa ito sa nangungunang kumpanya sa buong mundo. Tapos dito niya ko ipapasok?
"Ms. Pascua?" Sinilip ako ng isang HR personnel kaya napabalikwas ako. "May tanong ka pa ba tungkol sa kumpanya? May meeting kasi ang head namin na magpapaliwanag sa'yo. Gusto mo bang i-tour muna kita?" mabait niyang sabi.
"Kailan po ako mai-interview?" nahihiya kong tanong.
"Interview? 'Di ba po tapos ka nang ma-interview?" Lumapit na siya habang nag-iisip. Ang ganda niyang
