DIANA POINT OF VIEW
"Psssttt, ano na naman 'yan?" bulong ko sabay tapik sa likuran niya.
"Necklace?" Nagpamulsa lang siya at nagpatuloy sa pagpili.
"Phillip, tama na. Hindi na ko natutuwa sa mga ginagastos mo. Alam mo ba ang halaga niyan? Limang taong sweldo mo."
"Diana, kanina ka pa bawal nang bawal sa asawa mo. Pinagtatawanan ka na nila." Seryosong pagbawal sa akin ni Mommy kaya natahimik ako. Tinignan ko ang iba naming kasama na totoo ngang nakatawa na sa ginagawa ko.
"Tita Daisy, may gusto ka ba?" kaswal na tanong ni Phillip. Gusto ko na siyang batukan. Kahit isang beses lang para matauhan.
Ngumisi si Mommy na parang nayayabangan sa kanya.
"Talaga? Napakamahal naman niyan!" bulalas ni Tita Olivia. Gulat ang mukha nilang mag-ina kaya napatingin kami.
"Dalawa lang po kasi 'to.
