DIANA POINT OF VIEW
"Diana? Hindi ka pa ba lalabas diyan?"
"Mommy, naiihi na po ako!"
Hindi na yata tumitibok ang puso ko. Tulala lang ako ngayon sa hawak kong pregnancy test. Palihim akong bumili kanina para manigurado. At ngayon, para kong naiwan ng kaluluwa ko sa naging resulta.
Napahawak ako sa sink habang tulala pa rin.
Paano ko 'to sasabihin kay Phillip? Hindi pa siya ulit handang magka-baby. Baka kung ano na naman ang maisipan niyang gawin.
Kabado kong lumabas ng CR. Kunyari lang akong ngumiti habang hawak nang mahigpit sa likuran ko ang pregnancy test.
"Mommy, ang tagal mo naman po." Pumasok na si Philie at nagpatulong sa akin na umupo doon.
"Ayos ka lang ba? Bakit parang namumutla ka?" Lumapit pa si Phillip na lalong kinabilis ng t***k nitong puso ko. Napalunok ako sa so
