Akmang aalis na sa kuwarto ang tatlo nang may mapansin si Steffany. Kumawala ang bata sa pagkakawahak sa Mommy nito.
"Steff, sa'n ka pupunta?" naalarmang tawag ni Lena sa anak.
Ang bata ay pinipilit makadaan sa maputik na kuwarto. At nang makalapit sa nakita nitong bagay ay dinampot nito si Raj. 'Yung manika pala ang nakita nito, na hindi nito alam kung paano napunta iyon doon.
"Mommy, si Raj 'andito po," sabi ni Steff na ipinakita ang manika sa Mommy nito.
Takang nagkatinginan sina Hanna at Lena.
"Halika na dito, Anak!" kaway ni Lena.
"Bilis, Steff!" tawag din ni Hanna.
Sinunod naman sila ng bata. Yakap ang manika na ligtas na nakabalik si Steffany sa kinaroroonan ng Mommy at Ate Hanna nito.
"Sigurado na, nasa likod ng bahay nga si Edna at Chelle," ani Lena sa nakitang manika. H
