4

1142 Words

بعد مرور تلت اشهر نور ، ايمن انا مليت أنا تعبت معدتش قادره اتحمل ايمن ، في ايه تعبني من ايه نور ، تعبت منك عالطول متجاهلني ليه انا تعبت مش عارفه اعملك ايه نفسي تقولي تعالي نخرج تعالي نروح تعالي نيجي مفيش خالص و الجامعه خلاص الاسبوع الجاي يعني قضيت الوقت ده كله معاك مفيش يوم خرجتني فيه انا تعبانه و عايزه أخرج ايمن ، أنا مش فاضي بسبب العياده يعني اسيب شغلي و اسيب المرضي و اتنيل اقعد جنبك أو اخرجك نور ، تتنيل اي الأسلوب ده انت اسلوبك وحش جدا معايا ايمن ، و الله ده اسلوبي و لازم تتعودي عليه و عن اذنك أنا مش فاضي للعب العيال ده نور ، ماشي يا دكتور ايمن بالسلامه ايمن ، الله يسلمك نور ، ايمن اقصد دكتور ايمن ايمن ، ياربي نعم نور ، أنا حامل ايمن بصلها بصدمه ، بتتكلمي بجد نور ، اه طبعا بجد ايمن ، يعني أنا هبقا اب بجد نور ،. في ايه مالك اتحولت كده ليه فين التكشيره اللي مش بتفارق وشك ايمن ، تكشيرت مين ياااه أخيرا هيبقا عندي طفل ده انا بقالي كام سنه دكتور اطفال و هموت و يبقا عندي طفل أخيرا الحمد لله المهم أنا مش عايزك تقومي من ع السرير نور ، في ايه يا ايمن مش للدرجه دي يعني يارتني ماقولتلك و الله ما هي ناقصه خانقه ايمن ، عارفه لو حصل للبيبي حاجه لقدر الله أنا هزعلك بجد عشان أنا عارف اني متجوز عيله مستهتره نور ، أنا يا ايمن عيله مستهتره متشكره يا دكتور ايمن ايمن ، العفو وراح سيبها وراح شغله بعد اسبوع نور ، ايمن الجامعه بكره اول محاضره ليه ايمن ، لا مفيش جامعات نور ، ده اللي هو ازاي يعني ايمن ، هو كده و خلاص مش عايز اسمع ولا كلمه في الموضوع ده تاني نور ، لا هتسمع يا ايمن احنا متفقناش في الاول ع كده ايمن ، أنا غيرت رأيي يا ستي أنا حر حد شريكي نور ، والله هو ده اسلوب حياه انتي ليه بتحاول تكرهني فيك ليه يا ايمن ايمن ، هو عشان خايف علي ابننا أبقا بكرهك انتي عارفه و متأكده اني خايف عليكي و عليه و انتي ضعيفه جدا مش هتقدري جامعه و حمل مع بعض صدقيني و حاولي تنسي الجامعه دي هتعملي بيها ايه ما خلاص اتجوزتي و حامل عيشي عشان اللي في بطنك و خلاص نور ،امم يعني أنا دي الوقت خلاص معدش ليه مستقبل و لا احلام ولا اي حاجه غير جوزي و ابني صح ايمن ، براڤو عليكي اد*كي فهمتيني عن اذنك بقا أنا رايح العياده عشان متأخرش ع المرضي بتوعي سلام نور ، والله مانا مسمحاك ايمن لف و بصلها بصدمه ، مش مسمحاني ليه مموتك من الجوع نور ، موت احساسي و موتني من جوه انا حاسه اني عندي 81سنه مش 18 سنه أنا تعبت منك انت مبتحسش بيا خالص ايمن ، هعتبر أن اللي بتقوليه ده بسبب هرمونات الحمل و هسكت بس المره الجايه مش هسكت يا نور نور ، ربنا ينتقم منك انا بكرهك بكرهك انت و امي اللي كانت السبب في اني اتجوز واحد معقد زيك انت مش بني ادم ايمن بكل قوته عطاها قلم علي وجهها نور وقعت ع الأرض من شدته نور ، اااه ليه كده ليه انا عملت فيك ايه عشان تكرهني كده عملت ايه يا دكتور يا محترم ايمن ، أما تبقي تعرفي تتكلمي ازاي مع جوزك يا بنت الناس يا متربيه ابقي اقولك انتي عملتي فيا ايه وراح سيبها و خارج نور قعدت ع الارض تعيط وهي حاضنه جسمها موبايلها رن نور ، ايوه يا ماما نها ، مالك يا حبيبتي نور ، مش كنتي عايزه تفرحي بيا قبل بنت خالتي اللي اصغر مني مش كنتي مستعجله اني اتجوز بسرعه عشان تخلصي مني ربنا يسامحك يا ماما جوزتيني لواحد معقد أنا لو حصلي حاجه و الله عمرى ما هسامحك عشان انتي السبب في اللي انا فيه قولتلك كتير ده بارد في مشاعره أنا مش حساه خالص بعد الجواز يا حبيبتي هيتغير فاكره يا ماما فاكره عارفه انا تعبت خلاص والله أنا تعبانه سلام يا ماما الكلام ملوش اي لازمه معاكي سلام وراحت قافله السكه في وش امها نها ، يا حبيبتي يا بنتي أنا فعلا اللي غلطانه أنا اللي استعجلت بجوازك حتي مفكرتش اني اختار لك حاجه صح احتارت اول واحد اتقدم حتي نسيت فرق السن بينكم ربنا يسامحني في اللي عملته فيكي يا حبيبتي وقعدت تعيط بحرقه على بنتها //////////////////////////// بليل بعد ما خلص شغل روح لقاها نايمه علي الارض وهي حضنه نفسها و شكلها كان معيط ايمن ، نور يا نور نور فاقت ، نعم ايمن ، أنا جيت نور ، يعني عايزني اعمل ايه ايمن ، متزعليش مني وقومي ياللا اقعدي معايا حقك عليه نور ، حقك عليه ليه هو انت عملت حاجه و اللا قولت حاجه لقدر الله ايمن ، خلاص بقا ميبقاش قلبك اسود نور ، قلبي فعلا بقا اسود عارف من امتا من يوم ماعرفتك و انا الدنيا كلها بقت سودا في عيني ايمن ، خلاص بقا هو أنا عملت ايه لكل ده مانا كافي خيري شري نور ، أنا هنام ايمن ، أنا مش بكلمك نور ، وانا مش عايزه اتكلم أنا حره يا دكتور ايمن ايمن ، مفيش احترام خالص مش ملاحظه اني جوزك نور ، لا بجد والله انت جوزي بأماره ايه بأماره جسمي اللي من يوم ما عرفتك و انا كرهاه حتي ابني اللي في بطني كرهته عشان منك انت محاولتش تحببني فيك محاولتش انك تشوفني عايزه ايه حتي الجامعه اللي المفروض هتخرجني من اللي انا فيه رافض تخليني اروحها قولي عايزني اقولك ايه يا دكتور ايمن ، بتكرهيني أوي كده اتجوزتيني ليه نور ، عشان امي ضحكت عليه و قالتلي انك هتتغير بعد الجواز و للاسف مفيش تغيير يا ايمن مفيش عمرك فكرت تجيبلي هديه عمرك فكرت تخرجني عمرك فكرت تقولي كلمه حلوه يا ايمن أنا وحشه يا ايمن أنا مستهالش اتحب ايمن ، لا مش وحشه يا نور انتي قمر اقسم بالله و تستهلي تتحبي يا نور تتحبي و نص كمان نور ، اومال في ايه ايمن ، أنا مش فاضي للكلام ده انا الصبح في المستشفي و بليل في العياده بتاعتي و اد*كي شايفه مش بيفيض وقت خالص يدوبك باجي افرد جسمي و انام زى القتيل نور ، أنا اهم من المستشفى و العياده أنا اهم يا ايمن متبقاش بخيل في عواطفك معايا اكتر من كده حرام عليك أنا حاسه اللي بيربطني بيك السرير و بس انا لا أنا حاسه بايه تعبانه بايه فيا ايه ولا اي حاجه ايمن ، ممكن تهدي بقا عشان كده غلط عليكي نور ، ليه خايف عليه يا ايمن ايمن ، اه طبعا خايف عليكي عارفه النكد اللي انتي فيه ده عارفه أنه بيأثر ع اللي في بطنك نور ، أمم يعني خايف ع اللي في بطني بس روح يا ايمن نام الله يخليك ايمن ، ماشي يا نور تصبحي علي خير نور ، واللا ع شر مش فارقه خالص وراحت نايمه بكره بارت جديد انتظروني وياريت اعرف رايكم في البارت ضرورى جدا علشان يهمني جدا جدا والتفاعل ياريت يزيد عن كده عشان خاطرى وقعت في عشق طليقه اخي البارت الرابع للكاتبه اميره محمود

Free reading for new users

Scan code to download app

App Store Google Play

Facebookexpand_more