ILANG linggo na lang at papalapit na ng papalapit ang finals. Mas lalo kaming nagtutok ni Kevin sa pag-aaral at halos masira na ang ulo ko sa pagtuturo sa kaniya.
Hindi ko man lang kasi malaman laman kung bakit hindi niya alam kung paano i-solve ang division. Mababaliw na ako sa kaniya! Mas mahirap pa siyang intindihin kaysa sa Calculus, e.
Kasalukuyan akong naglalakad papasok ng eskwelahan. Sira kasi ang bisikletang ginagamit namin ni Charles. Si Charles naman ay kanina pa pumasok dahil mangongopya pa raw siya ng sagot sa ka-eskwela niya. Hindi kasi siya pumasok kahapon at nabalitaan niyang may asignatura silang hindi niya maintindihan.
Habang naglalakad ako ay may biglang bumusina sa likod ko at automatiko akong napagulantang dahil sa labis na pagkagulat. Tinignan ko ang hindi pamily
