"Totoo, Savien? Galing ka talaga sa beach house ni Christian sa Batangas? Hindi man lang nagyaya," tila nagtatampong tanong ni Dave saka inagaw sa akin ang bote ng tequila.
"Syempre, para makapagsolo sila ni Christian. Teka nga, Savien. Kayo na ba?"
"Walang kami," tipid na sagot ko at napailing-iling saka uminom ng alak.
Mahigit isang linggo ako sa Batanggas, sa beach house ni Christian at kauuwi ko lang kahapon. Si Christian lang ang nakakaalam sa kung anong tunay na nangyayari ngayon sa akin, sa kung anong totoong nararamdaman ko.
Dahil gusto niya akong makapag-unwind at makapag-isip isip ay pinapunta niya muna ako sa Batangas. Pero imbes na makalimutan si Shania ay mas lalo ko lang siyang naisip doon, mas lalo ko lang naramdaman 'yung sakit.
Pinapunta niya ako roon para mai
