"Ano? Napaslang mo ang Illusion Weaving Arachnid?!" Halos lumuwa ang mga mata ni Head Chief Bengwin nang nakita nitong tumango si Wong Ming tandang sumang-ayon o umoo ito sa tanong nito.
Kasalukuyan silang naglalakbay patungo sa isang masukal na direksyon. Todo tanong kasi ang ama-amahan ni Wong Ming kaya umamin na ito upang tumigil na ito sa kakatanong.
"Natalo ko siya ama ngunit lubhang sinwerte lamang ako dahil sugatan ito sa hindi ko malamang dahilan. Kaya nga buhay pa ako ngayon." Sambit ni Wong Ming upang suportahan ang kaniyang pag-amin upang maging posible at kapani-paniwala naman ang pagkatalo sa kaniya ng malakas na magical beast katulad ng Illusion Weaving Arachnid.
Alam niya kasing hindi agad-agad na mapaniwala ang ama-amahan niya kaya kailangan niyang gumawa ng kwento upang
