Halos wala rin akong naging tulog sa buong magdamag.
Sino ba ang makakatulog ng payapa kung may ganito ang sitwasyon at problema na gaya ng akin?
Mabuti na lang at masinop ako at naitabi ko pa ang lahat ng mga pwedeng mag patunay na hindi na akin ang sasakyan ko at na ibenta ko na ito sa ibang tao. Ibang tao na ang nakasakay at nagmamaneho sa loob nito na siyang tunay na kriminal.
Nakakagigil. Nakakapanginig ng laman kapag naiisip ko na si Crissan pa talaga ang may ganang idemanda ako gayong siya ang may malaking kasalanan sa akin.
Kung bakit naman kasi parang sinadya ang lahat. Maraming araw na pwede siyang maaksidente pero bakit noong araw pa napuntahan ko siya at tanungin kung alam niya kung nasaan si Lyndon.
Wari bang nakaplano ang lahat para ako nga ang madiin at maakusahan na s
