Gaya ng dati kong nakagawian. Gumising na ako ng madaling-araw para makapunta na sa daungan ng mga bangka kung saan ako hahango ng mga bagong huling mga isda para ibenta sa palengke.
Tuloy ang pa rin ang buhay.
Hanggat narito kami ni Andrea at hindi pa nabebenta lahat ng mga ari-arian ko ay nagtitinda pa rin ako sa palengke. Sayang din kasi ang mga benta. Pandagdag gastos na rin namin ng anak ko habang naghihintay na tuluyan ng may bumili ng mga binebenta kong properties.
"Abby, nabalitaan namin ang nangyari sa mga magulang mo, iha. Nakikiramay kaming lahat sayo," saad ni Aling Rosing na isa sa mga beteranang fish vendor dito sa palengke. May katabaan ang kanyang katawan at puti na rin ang lahat ng buhok sa kanyang ulo. Isa siya sa naging malapit sa akin dito sa palengke dahil na rin n
