I simply want to stay this way together with you... ― Yuki No Hana, Nakashima Mika
xxxxxx
[Relaina]
Wala na naman ako sa sarili ko. Pero naka-focus pa rin naman ako so far sa tinatahak kong daan palabas ng campus grounds. Katatapos lang ng practice namin ng ungas kong ka-partner. Hanggang ngayon, hindi ko pa rin talaga mapaniwalaan na ang ugok na kamoteng iyon ang ka-partner ko sa dance practicum namin sa PE.
Hindi ko alam kung sadyang minamalas lang ako pagdating sa mga gusto kong mangyari o may naglalaro lang talaga sa akin at gusto lang nitong sirain ang utak ko.
Pero laking pasalamat ko na lang talaga at nagawa kong kausapin nang matino si Brent pagdating sa mga gusto kong mangyari sa buong durasyon ng practice namin.
Pambihira naman kasi. Isa’t kalahating linggo kaming magsasama
