"D-DITO na," wika ni Solana kay Nicolai nang makapasok silang dalawa ng banyo. Napansin naman niya ang pagsasalubong ng mga kilay nito ng yukuin siya. Pero mayamaya ay ibinaba naman siya nito.
At pagkaapak na pagkaapak ng paa ni Solana sa malamig na tiles ay naramdaman niya ang panlalambot ng mga binti niya. Mabuti na nga lang at mabilis siyang nakahawak kay Nicolai. At sa paghawak nga niya dito ay napansin na naman niya ang pagsasalubong ng mga kilay nito.
Pinagdikit naman niya ang ibabang labi ng mabilis niya itong binitiwan.
Kung ito ang humawak sa kanya ay pwedeng-pwede. Pero kapag siya ang humawak ay hindi pwede. Saan naman ang hustisya do'n?
Kung ayaw nitong magpahawak, eh, 'di huwag!
"Lumabas ka na," mayamaya ay wika niya.
At mukhang hindi nagustuhan ni Nicolai ang pagtata
