? تمرد وكبرياء ?

البارت التاسع

تجلس اسيا في غرفتها ويبدو عليها الغضب والانفعال

اسيا: بقي انا يمنعني من شغلي مين دا علشان يقولي كده طيب انا بقي هوريك ياللي اسمك حسام انت وتقوم اسيا تفتح باب غرفتها وتتسلل بهدوء وتروح تفتح باب غرفه حسام تلاقيه نايم تقفل الباب براحه وتمشي بخطوات بطيئه للباب وتخرج من الجناح

ڤيلا عائله عمران تحديدا في غرفه تالين

كارما: تالين حبيبتي مالك وشك بقي اصفر كده ليه

تالين بتعب: مفيش حاجه ياقلبي انا بس رجلي تعباني شويه

اروي بشك: تالين متأكده ان رجلك بس اللي تعباكي ولا فيه حاجه تاني

تالين: لا ياحبيبتي متخافيش مفيش حاجه ويسمعوا البنات صوت الباب بيخبط وتقوم اروي تفتح الباب تلاقي ياسين

ياسين: تالين عامله ايه دلوقتي

اروي ببرود: كويسه

ياسين: فيه ايه يا اروي بتكلميني كده ليه

اروي: عايز ايه يا ياسين كفايه ان اللي حصلها انت السبب فيه

ياسين: تالين صاحيه عايز اطمن عليها

اروي: ايوه صاحيه ادخل

ويدخل ياسين الغرفه يشوف تالين يبصلها بأسف وحزن وهي تشوفه وتبص الناحيه التانيه

ياسين: تالين عامله ايه دلوقتي

تالين وهي باصه الناحيه التانيه: الحمد لله

ياسين: طب حاسه بتعب ولا حاجه اكلم الدكتور

تالين علي نفس الوضع: لا شكرا انا هنام تصبح علي خير

ياسين: احم طيب وانتي من اهل الخير عن اذنكم ويخرج ياسين ويروح علي غرفته

في غرفه ياسين قاعد علي مكتبه حزين وبيفكر ليه تالين بتزعل لما بتشوفه مع اي بنت ويزهق من التفكير ويقوم يروح علي غرفه عمر يلاقيه قاعد علي السرير سرحان وبيسمع اغاني يروح يقفل الاغاني ويقعد جنبه

ياسين: بالذمه انت عندك دم جدك متوفي من كام يوم واختك عملت حادثه وانت قاعد تسمع اغاني

عمر: مالك داخل عليا كده ليه وبعدين الحزن في القلب

ياسين: وكنت سرحان فيه ايه بقي حضرتك

عمر بسرحان: في ملاك

ياسين: نعم ياخويا لا انت لازم تحكيلي انا اصلا بقالي فتره شاكك فيك

عمر: بقولك ايه ماتروح تتخمد علشان هتروح تحضر الاجتماع بكره

ياسين: نعم وانا مالي ماتروح انت

عمر: لا ماهو اعمل حسابك بعد كده هتبقي معايا انا مش هشيل الشركه كلها لوحدي

ياسين: خد بس هنا متهربش من الموضوع قولي ملاك مين اللي سرحان فيها

عمر: كارما

ياسين: كارما مين

عمر: بقولك ايه مش ناقصه غباء دلوقتي هيكون كارما مين يعني كارما الحسيني صاحبه اروي وتالين

ياسين: انت اكيد مجنون بتحب بنت الراجل اللي هو المفروض شريك في موت جدك

عمر: كارما ملهاش ذنب يا ياسين كارما عمرها ما كانت زي ابوها ولا هتكون

ياسين: معاك حق بصراحه البنت كويسه

عمر: طب يلا اتكل بقي وغور علي اوضتك وهوينا

ياسين بق*ف: اما انك بيئه صحيح

عمر: طب يلا بقي من هنا ويقوم يزق ياسين لحد الباب ويقفل الباب في وشه

ياسين: ااه ياا واااطي صبرك عليا بس ويروح ياسين علي غرفته وينام

في امريكا

تنزل اسيا وتخرج من الاوتيل وتلاقي قدامها عربيه وينزل منها 3 رجال يشدوها جوه العربيه وتحاول تقاوم وتبعدهم عنها بس يجي واحد يخضرها وياخدوها في العربيه ويمشوا وبعد شويه تقف العربيه في مكان شبه مهجور وينزلوا اسيا من العربيه ويدخلوها مصنع قديم ويقعدوها علي كرسي ويربطوها فيه ويجي واحد يدلق علي وشها مايه وتفوق اسيا وتتخض من المكان ويجي واحد يقف في الضلمه بعيد عن اسيا تحاول اسيا تشوفه بس ملامحه مش باينه من الضلمه

الشخص: اهلا بالظابط اسيا نورتي امريكا كلها

اسيا من صوته تعرف انه رجل كبير في السن: انت مين وعايز مني ايه

الشخص: والله انتو اللي عايزين مش انا

اسيا: لو عندك الشجاعه تعالي اقف قدامي وخلي كلابك يفكوني واقف هنا واجهني

الشخص: هههههههه ليه يا قطه مش عارفه تقومي معقول فيه ظابط يكون في الموقف دا وميعرفش يتصرف

اسيا تحاول تفك نفسها بس محاولاتها تفشل

الشخص: قوليلي بقي يا قطه ايه اللي جابك ورايا انتي واللي معاكي

اسيا ببرود: علشان اقبض عليك بس

الشخص: ههههه وانتي بقي متوقعه انك هتعرفي تعمليها لا ياقطه كان غيرك اشطر واسألي حسام باشا اللي معاكي دا لو طلع حسام اصلا زي مانتي فاكره هههه

اسيا: ازاي انا مش فاهمه

الشخص: دلوقتي تعرفي ويمسك موبايله ويتحدث مع شخص ما

في غرفه حسام يصحي من نومه علي صوت موبايله وهو بيرن ويمسك الموبايل يلاقي رقم غريب يرد

حسام بصوت ناعس: الوو

الشخص: تؤتؤتؤ معقول نايم ومش واخد بالك من الامانه اللي معاك اومال لو سياده اللواء مش موصيك عليها

حسام يقوم من علي السرير بلهفه ويجري علي غرفه اسيا يفتحها يلاقيها فاضيه: اسيا لو حد لمس منها شعره هنسفكم كلكم فاهم

الشخص: متخافش يا حسام باشا ولا اقول يا حضرت الظابط الموقوف عن العمل

حسام: اقسم بالله هجيبك وهدفعك تمن كل الجرايم اللي عملتها وهثبت برائتي وهرجع لشغلي وانت هتعفن في السجن

الشخص: هههههه طب سلام يااا ياا حضرت الظابط ولو علي الظابط اسيا متخافش مش هيحصلها حاجه هو بس الرجاله هنا شكلهم جاعنين وانا ميهونش عليا اشوفهم كده وبصراحه البنت حلوه وحلال عليهم مع السلامه يا حسام باشا ويغلق الشخص الخط

حسام: غ*يه غ*يه لييه ليييه تتصرفي بغباء انا عملت كده علشان احميكي انا لازم اتصل بيه ايوه هو لازم يعرف اللي حصل ويكلم شخص في الموبايل: اسمع وبدون مقاطعه اسيا اتخ*فت وهي دلوقتي مع الباشا اقسم بالله لو حد لمس منها شعره هدمرهم كلهم انت فاهم يا طوني اسيا ملهاش ذنب

طوني: ازاي تكون مع الباشا وانا معرفش كده اكيد هو شك فيا

حسام: اتصرف اهم حاجه عندي اسيا دي امانه معايا وانا لا يمكن اخون الامانه فاهم اسيا ترجع معاك 5 دقايق وتعرفني مكانها

طوني: متخافش اسيا مش مهمه عندك لوحدك وهنعرف مكانها وانا هتصرف

حسام: انا قولت تعرفني مكانها مقولتش اتصرف علشان الباشا لو شك فيك جي هتبقي مشكله تاني

طوني: تمام هقفل انا دلوقتي علشان اشوف هعمل ايه

حسام: سلام ويغلق الخط ويغير هدومه وياخد سلاحه ويخرج من الاوتيل

عند طوني قاعد بيفكر ياتري الباشا شك فيه وليه خ*ف اسيا من غير ما يكلف طوني بالمهمه دي ويقوم طوني يغير هدومه وياخد موبايله ويكلم الباشا بس يلاقيه هو بيرن

طوني: ايوه يا باشا

الباشا: طوني عايزك في المصنع القديم اللي في... تيجي حالا

طوني: امرك يا باشا مع السلامه ويتصل طوني بحسام

حسام: عرفت حاجه

طوني: الباشا طلبني في المصنع القديم اللي في .....

حسام لنفسه: نفس المكان بس المره دي مش انا اللي هخسر انت اللي هتخسر

طوني: حسام سامعني

حسام: احم ايوه انا دلوقتي جي علي هناك ومعايا قوه

طوني: وانا قربت اوصل اهو سلام ويوصل طوني للمصنع ويدخل يلاقي الباشا

الباشا: طوني مش عايزك تتحرك من هنا هسلمك مسؤليه البنت اللي جوا اوعي تهرب منك انت فاهم

طوني: امرك يا باشا

الباشا: انا دلوقتي لازم امشي علشان الشحنه بتاعه الاسلحه وصلت البنت اللي جوا دي تتعذب ويتمنع عنها المايه وتعمل اللي بقولك عليه وتجيلي علي هناك

طوني: امرك يا باشا متقلقش كلامك هيتنفذ بالحرف ويمشي الباشا ويروح طوني لمكان اسيا يلاقي الرجاله بتبصلها بنظره شهوانيه: كلكم اطلعوا بره دي اوامر الباشا وتسمع الرجاله كلام طوني ويخرج الكل

اسيا قاعده علي الكرسي مربوطه والدنيا مشوشه قدامها وطوني بيقرب منها بس ملامحه مش باينه ويقرب اكتر وتتصدم اسيا لما تشوف طوني

اسيا بصدمه: كريم ازاي انت طوني

كريم يشوف واحد من الرجاله جي عليه يتقلم بجمود: اخرسي خالص ويض*بها بالقلم

اسيا بقوه تحاول تقوم وتفك الحبل وتفشل وتحاول تاني وتشوف كريم مشغول مع الراجل تلاقي جنبها سكينه تاخدها وتحاول تفك الحبل من ورا وتنجح وتقوم

الرجل: طوني باشا الحق البنت قامت

كريم يبص علي اسيا ويقول لنفسه: طول عمري اعرف انك ظابط ممتاز يا اسيا ومحدش بيقد عليكي والنهارده شوفت بعيني بس انا اسف سامحيني غصب عني ويمسك سلاحه ويوجهه ناحيه اسيا: اقفي مكانك والا هقتلك

اسيا بكره وغضب: لو فاكرني هخاف تبقي غلطان وفر كلامك ويلا خرجني من هنا

كريم بعصبيه وخوف عليها: قولتلك اقفي مكانك هض*بك بالنار

اسيا وتنط فجأة ناحيه كريم وبحركه مفاجأة تاخد منه السلاح وتمسك كريم من رقبته وتوجه السلاح علي راسه: خليهم يخرجوني من هنا والا انا اللي هقتلك

كريم: يشاور للرجاله تبعد عن طريقها بس يهجم عليها واحد من الرجاله وتض*به اسيا ويقع علي الارض ويهجم عليها الاتنين اللي واقفين وتض*بهم اسيا ويقعوا علي الارض وتبص اسيا لكريم بحزن وكره: قلبي مش قادر يأذيك وتبعد عنه اسيا وتحاول تشيل الرجاله علي الكراسي بس متقدرش يروح كريم يساعدها ويربطهم في الكراسي وتبص ليه اسيا باستغراب ولسه هتتكلم بس يوصل حسام وهو لسه متنكر ويجري علي اسيا

حسام: انتي كويسه

اسيا ببرود: ليه شايفني عيله صغيره ولا مش قد شغلي يا حضرت الظابط

حسام: كريم انت كويس

كريم: الحمد لله

اسيا: انت تعرف كريم منين انت جاسوس ليهم

حسام: مش وقت الكلام دا كريم يلا بينا علي مكان الشحنه

كريم: يلا بينا يلا يا اسيا

حسام: اسيا لا هتروح ترتاح

اسيا: انت مالك وملكش حق تمنعني من شغلي اصلا وهاجي معاكم

حسام وكريم يبصوا لبعض بمعني خلاص مفيش فايده ويمشوا علي مكان الشحنه

اسيا: انا عايزه اعرف انت جيت هنا ازاي. وازاي بقيت طوني وكمان الدراع اليمين للباشا

كريم: مش وقته يا اسيا خليكم انتو هنا وانا هروح اقف معاهم علشان محدش يشك في حاجه وهد*كم اشاره للهجوم ويجري كريم علي مكان الشحنه ويقف مع الباشا

الباشا: عملت اللي قولتلك عليه

كريم: ايوه يا باشا متقلقش

وتيجي الشحنه اللي فيها الاسلحه ويستلمها الباشا ويسمع الكل ض*ب نار واسيا وحسام داخلين عليهم ومعاهم قوه ويقرب حسام عليهم ويتصدم لما يشوف الباشا

حسام بصدمه: عمي معقول انت هو الباشا

الباشا بتكبر: ايوه انا نورتني يابن الغالي

حسام: انا مش مصدق يعني انت اللي ورا قتل جدي

الباشا: ايوه انا يا ادهم باشا ايه فاكر ان محدش يعرف انك ظابط قصدي ظابط فاشل وموقوف عن العمل

اسيا بصدمه: انت ادهم مش معقول

كريم: مش وقته يلا امسكوه

علاء بصدمه: طوني

كريم: اه صح احب اعرفك بنفسي كريم عامر زين ابن اللواء عامر زين اما بقي حكايه طوني دي كدبه بسيطه كده علشان نعرف نوصلك وانت اغ*ي الناس علشان وثقت في واحد متعرفهوش غير من شهرين بس

حسام بكره: اقبضوا عليه هو واللي معاه

اسيا: ازاي فيه انسان يعمل كده في اهله ويقتل والده وعلشان ايه كل دا

علاء: علشان ادهم وابوه هما رقم 1 دايما وانا وعيالي رقم 2 ليه هما احسن مني ومن ولادي في ايه

ادهم: عملتلك ايه علشان تأذيني في شغلي عملت ايه انااا لكل دا

علاء: انا الوحيد اللي كنت عارف انك ظابط وعارف ان محدش يعرف غير عمر وياسين سمعتك لما كنت بتقولهم انك طالع مهمه صعبه ومش عارف هترجع منها ولا لا وكنت بتوصيهم علي اروي وتالين ولما سمعتك وانت بتقولهم علي المهمه عرفت انك ماسك القضيه بتاعه تسليم شحنه الم**رات علشان كده رميت عليك چوليا طبعا فاكرها يا ادهم باشا چوليا اللي ضحكت عليك وحبيتها وهي طلعت معايا وعرفنا كل مخططاتك وغيرنا ميعاد الشحنه وللاسف اتوقفت انت عن العمل وطلعت قدام الداخليه ظابط فاشل ومعندهوش امانه لاسرار شغله

ادهم بغضب: خدوه من هنااااا

اسيا: كل كلامك دا اتسجل وليك اكتر من قضيه ممكن يوصلوك للاعدام حسابك هيكون في بلدك مش هنا ويقبضوا عليه بس يشد السلاح من العسكري

علاء: مش انا اللي هخسر يا حضرت الظابط ويض*ب طلقه تصيب هدفها و ........