Maluwag sa araw na iyon ang daloy ng trapiko at umabot lamang ng halos 34 minutes ang pagsunod ni Freda kay Veronica. Hindi siya makapaniwala na doon siya mapapadpad sa lugar na iyon. Ipinarada ni Veronica ang kanyang kotse sa isang bahagi ng malawak na parking area ng kilalang Baclaran Church. Sa pagtataya ni Freda ay umabot ng more or less 7 kilometers ang kanilang tinakbo. Namili naman ng magandang puwesto si Freda malapit sa may exit para mabilis lamang siyang makalabas sakaling naisin na niyang umalis. Kitang kita niya si Veronica na naglakad kasama ng iba pang patungo rin sa loob ng simbahan. Minabuti narin niyang sundan si Veronica at interesado siyang makita kung bukal nga ba sa kalooban niya ang magsimba o baka naman ay front lamang niya ito para sa mas kapanipaniwala niyang pagg
