7 years later....
Humimpil ang isang mamahaling sasakyan sa harap ng gusali ng Zinc ltd. Corporation. Mula sa unahan at likuran nito ay may dalawa pang sasakyan. Ilang sandali pa mula sa magkabilang sasakyan ay bumaba ang may nasa sampung kalalakihan na pawang mga nakasuot ng itim na suit. Mabilis na pinalibutan nila ang magarang sasakyan na nasa gitna. Halatang hindi basta-bastang tao ang sakay ng mamahaling sasakyan dahil sa labis na pag-iingat ng mga ito.
Maya-maya ay bumukas ang pintuan ng kotse at bumaba ng sasakyan ang isang binata na may mabagsik na mukha. Nang makatapak na sa lupa ang kanyang mga paa ay tumayo ito ng tuwid bago nito isinara ang isang butones ng mamahaling suot na suit. Ang awra ng binata ay parang kasing init ng sikat ng araw, kalmado mang tingnan ngunit ang mga
