Kristoff
UMINGIT ang pintuan niya pero hindi niya sinulyapan ang kung sino mang pumasok sa kuwarto niya.
Nanatili siyang nakaupo sa gilid ng kama niya habang hawak pa rin ang bote ng alak. Hindi na niya alam kung ilang araw o linggo na siyang ganoon. Wala na siyang ganang lumabas sa kuwarto niya. Mas gusto niya pang uminom nang uminom hanggang sa makatulog siya.
Naramdaman niyang may tumabi sa kanya. Nilingon niya ito at nakita si Kenobi. Gulat na napatitig siya dito. Malaki ang inihulog ng katawan ng kapatid at mukhang miserable din ito.
Nag-iwas siya nang tingin. Kasalanan niyang lahat kung bakit maraming nasasaktan. Alam niyang may nararamdaman ang kapatid para kay Mina pero itinuloy niya pa rin ang plano niya kahit na sinabihan na siya nito na alagaan si Mina.
"Anong ginagawa
