Nagmamadali si Sophia. Ang bawat hakbang ay napakahalaga. Alam niyang nakasalalay sa kanya ang tagumpay ng pagtakas ni Lilly. Kaya wala siyang sinayang na sandali. Kinausap niya si Charles para maisakatuparan ang nais mangyari ng kanyang amo.
Pagkatapos niyang makausap si Charles ay agad siyang hinatid nito sa patutunguhan. Dala-dala ang liham ni Sarah ay alam niyang mabubura na ang lahat ng pag-alinlangan ni Lilly. Maayos na din ang ano mang 'di pagkakaunawaan sa pagitan nila Lilly at ni Doc. Francis. Magkakaroon na din ng tuldok ang lahat.
Agad siyang hinatid ni Charles sa The Greens. Medyo padilim na nang dumating siya doon. Una siyang tumungo sa may kusina para kausapin si Zarla, at para ibigay na din ang kailangan nito.
"Are you sure about this?" tanong ni Zarla sa kanya pagkatapo
