- " احنا مش اتفقنا انك مش هتسأليني في حاجة . "
قالها " هادي " ببرود سقيع ، احتدم وجهها و هي تلاحقه بالحديث بتشنج رهيب :
- " طب بص بقى عشان انت شكلك نايم في العسل خالص ، كيان كانت عندي هنا امبارح و كانت متعصبة بسبب انك روحتلها الجامعة و كان باين من كلامها انها بدأت تحب راغب لا و كمان كانت بتدافع عنه ، فشوف بقى انت هتتصرف و لا لأ ، عشان لو الموضوع مش في بالك ، و طلعت كيان من دماغك اعرف اتصرف انا . "
بعدما انتهت من كلماتها التي تعرف أنها سيكون لها تأثير بالغ الوطأة في نفس الآخر ، تكلم هو بفحيح :
- " انتي عارف اني استحالة اطلع كيان من دماغي . "
انشق ثغرها بشبح ابتسامة منتصرة ، و دمدمت مستفهمة و كل ما تأمله أن تصل لغايتها :
- " امال مبتعملش حاجة ليه ؟ "
استمعت لزفرته التي أوضحت نفاذ صبره ، تبعها قوله باستنكار :
- " و مين قالك اني مبعملش حاجة ؟ "
أغمضت عينيها بضيق من كلماته التي لا
