بقى هو واقف موضعه يجول بفكره ما حدث فى ذلك اليوم الذى رأى بعينيها نفس تلك النظرات الخبيثة .
■■■
لحقت به و هو يتحرك مغادرا بخطوات مليئة بالغضب فهو لتوه أنهى أحد شجاراته مع شقيقه مطالبا بنصيبه فى ميراث والدهما و الذى كتبه جميعه باسم " بكر " ، هتفت باسمه منادية بصوت مرتفع نسبيا لبعده عدة خطوات عنها :
- " نوح . "
التفت لها مطالعا إياها بنظرات قوية حادة مليئة بالهيبة المخيفة و رد بإيجاز :
- " نعم . "
تجاهلت رده الموجز الملئ بالحنق و ابتسمت بدلالٍ مقصود و قالت بنعومة وغنج :
- " مالك مخشب وشك كده ليه ! ، انا سمية مش بكر . "
بوجه جامد الملامح و نبرة باردة تساءل بنفاذ صبر :
- " عايزه ايه يا سمية ؟ "
انشق ثغرها بابتسامة هادئة كما ظنت وولكنه لاحظ بها المكر الذى يعهده عليها ، و تكلمت بكلمات عن إيحاء مقصود مرددة :
- " كنت عايزه اقولك انى مش مع بكر فى اللى عامله معاك يعنى ده حقك و انت كان الم
