تنامى إلى فهمها سبب عدم إجابته على مكالمتها ، لتحرك وجهها نافية لما برمجه له عقله ، و أردفت بصوت طغى عليه الحزن :
- " فارس انت مش فاهم حاجة . "
لم تهتز تعبيراته رغم رؤيته للحزن الذي تسلل لوجهها ، و عقب بنبرة جادة بقليل من الحمئة :
- " ايه اللي مش فاهمه يا لينا ؟ ، اديني مبرر واحد لأفعالك معايا الفترة اللي فاتت . "
غامت عينيها خلف سحابة من الدموع ، بلعت غصة مريرة بحلقها ، و أجابته بصوت مختنق :
- " انا مخنوقة و متوترة جدا بسبب جوازنا ، حاسة اني بعمل حاجة غلط ، ضميري بيأنبني و حاسة بالذنب ، و انت مش حاسس بيا و لا حاسس بالخنقة اللي جوايا ، و بدل ماتطمني جاي دلوقتي تتهمني ان انا اللي عايزه انهي اللي بينا ، انهيه ازاي يعني و انا اصلا بعد اللي عملناه معادش ينفع ابقى مع حد غيرك ، انت مش مقدر حجم التضحية اللي عملتها عشان ارضيك ، مش مقدر خوفي من ان حد يعرف بجوازنا ، و مع كل اللي فيا ده باجيل
