SEBASTIAN POINT OF VIEW
"Bakit tutuloy pa kayo sa double date na 'yan? Away lang ang aabutin niyo," saad ni Leonardo na hindi ko pinansin.
Umupo ako sandali sa couch habang hinihintay na makabihis si Ariel. Hindi rin naman ako sangayon sa date na 'to. Kung pwede lang umayaw, aayaw ako. Kaso baka kung ano lang ang isipin nila.
"Hindi ako attracted sa kanya, ha? Pero masasabi kong maganda talaga si Ariel," sabi ni Dice, tumatango-tango at may tinititigan na sinundan ko ng tingin.
"Ano 'yang suot mo?"
"Paanong ano 'yang suot mo? Pangit ba?"
Tumayo ako at hinarangan siya sa pagtingin ni Dice.
"Magpalit ka nga."
"Bakit? Okay naman 'to, ah," sagot niya. "'Di ba, daddy, ayos lang 'tong suot ko!"
"Magpalit ka," mariing kong ulit.
"Pasensyahan, baby. Daddy mo ko at hindi boyfriend mo.
