"Resignation letter? Aalis ka talaga?" bulalas ni Ma'am Morisette na nginitian ko lang. "Bakit?"
"Ma'am naman," malambing kong sabi. "Matagal mo naman nang alam 'yan, 'di ba?"
"Oo nga, kaso alam na ba 'to ni President?"
"Don't worry po papayag 'yon."
Bumuntong hininga siya. Ayaw pa ring bitiwan ang resignation letter ko.
"Sige po, babalik na ko sa work," paalam ko habang paatras nang lumalakad.
Nagkasalubong kami ni Sebastian, pababa siya at ako naman pataas na sa office. Ito na ang pangatlong beses na nagkasalubong kami ngayong araw. Sakto lang naman. Hindi niya ko kinikibo at maganda 'yon para sa akin.
"Ma'am Ariel!!" Kapit sa akin ni Cyntia na ikinagulat ko. "Ma'am, pwede mo ba kong tulungan?" nakalabi niyang tanong, nagpapa-cute sa akin kaya napataas ako ng kilay.
"Ano 'yon?
