***
"Tapos na ako!" palakpak kong nagsara ng aking libro. Ngumiti si Adam pabalik.
"It's a miracle na hindi ka inabot ng madaling araw ngayon" tukso niya. Alas onse y media pa lang ng gabi.
"Oo nga, pero parang di pa ako makaramdam ng antok, malakas yata yung kapeng organic mo" tukso ko. Tumayo akong nagbukas ng freezer.
"Anong hinahanap mo?" Si Adam na nagshutdown na rin ng laptop na gamit.
"Parang gusto ko ng ice cream" ani ko.
Napatingin ako sa orasan. Sarado na ang delivery ng ganitong oras. Napasimangot ako.
"Gusto mong pumunta ng convenient store?" aniyang humalukipkip habang nakasandal sa kanyang inuupuan. Naging regular na tambayan na rin ni Adam ang dining area naming pares ko.
"Sige!" pagngiti ko.
"Saglit lang, magbibihis muna ako, ikaw din?" aniyang napatingin sa soot k
