MAHINANG natawa si Simon James habang kausap niya ang matalik niyang kaibigan. Naabutan na sila ng dilim sa resort at napagkasunduan na lang nilang dito na lamang magpalipas ng gabi lalo't paminsan-minsan lamang sila kung magkakasama.
Ang mga bata at ang mga babae ay naroon na sa suite at tinutulungan na magbihis ang mga bata upang makatulog na matapos ang maghapong pagtatampisaw sa dagat. Namumula na nga ang balat ng mga iyon nang umahon sa tubig-alat.
"We should do this more often, nakatutuwa pala," sabi ni Zkat sa kaniya bago tinungga ang isang bote. Malakas ang hangin sa tabi ng dagat ngunit hindi malamig dahil mainit pa ang tubig dagat, isa pa, kanina pa sila nakabihis ng tuyong damit at nag-iinuman doon.
"Oo nga eh," sang-ayon niya. Mahina siyang natawa nang maalala kung gaano sil
