NAKASAKAY na lang si Maureen sa bus kasama si Simon de Guzman at ang mga bata ngunit nagpatuloy sa pag-ikot-ikot sa kaniyang isip ang mga sinabi ng kaniyang anak na si Jake.
May parte doon na tila nahihiwagaan siya sa kaniyang anak, na para bang sa mga sinabi nito ay marami itong alam. Hindi niya naman naramdaman na hinusgahan siya nito, mas nangibabaw ang pakiramdam niya'y awa at pakikisimpatya.
Katabi niya si Tyron, kaya naman, madali lang para sa kaniyang ibaling sa ibang bagay ang kaniyang atensiyon. Imbes na isipin pa lalo ang mga salitang binitawan ng kaniyang anak, nilibang niya na lamang ang bunsong anak ni Simon de Guzman sa mga tanawin na kanilang nadaanan.
Higit sa anim na oras ang biyahe para makauwi sa kanilang probinsya, hanggang sa highway lamang 'yon, at sasakay naman si
