AUBREY
Limang araw rin na sinulit namin ang bakasyon sa Laguna. Heto at nakabalik na kami ng Maynila dahil kailangan na rin bumalik ni Dexon sa trabaho.
Panay na kasi ang tawag sa kanya ng secretary niya dahil may mga meetings pala siyang bigla na lang na cancel kaya pinagsabihan ko si Dexon matapos na nahuli kong ibang trabaho pala ang pinuntahan niya at hindi related sa personal business niya.
Nakausap ko kasi ang secretary ni Dexon ng minsang tumawag ito habang naliligo siya. Ewan ko ba, pero naiinis kasi akong maya't maya kung tawagan ang asawa ko kaya hindi ako nakatiis at sinagot ko na.
Nagulat pa nga ang babaeng iyon at hindi agad makapagsalita ng tanungin ko kung sino siya at bakit laging tinatawagan ang asawa ko.
Doon ko nalaman na mahigit isang linggo na raw hindi pumapaso
