Namalayan ko na lang ang sarili ko na marahang humahagod at pinipisil ng mga daliri ang sintido niya. Mukhang pagod talaga si Dexon kasi umungol lang at nakapikit habang panay ang hagod ko sa noo niya kahit hindi naman ako sigurado kung tama ba ang ginagawa ko pero mukhang okay naman sa kanya dahil wala akong narinig na kahit anong reklamo mula sa lalaking nakaunan pa ang ulo sa mga hita ko.
Kung hindi pa tumunog ang cellphone niya ay hindi ito babagon sa kandungan ko para kunin sa center table. Mabuti na rin iyon kasi kahit nakabukas ang television sa harap ko ay wala naman akong naunawaan dahil hindi ako makapag-pokus lalo at nakahiga siya at nasa mga hita ko nakapatong ang ulo niya at may munting kaba sa puso ko na may makakita sa amin na mga tauhan niya.
Hanggang ngayon kasi, hindi p
