AUBREY
Anim na araw na ang matuling lumipas. Hanggang ngayon ay hindi ko pa rin nakikita kahit anino ni Dexon. Ayaw ko namang magtanong sa mga tauhan niya dahil baka isipin ng lalaking iyon na namimiss ko siya kaya kahit bugnot at nababagot na ako dito sa loob ng bahay ay nagtitiis ako na huwag alamin kung nasaan siya.
Walang hiyang lalaking iyon talaga. Porket nakuha na niya ang virginity ko ay iniwan na ako dito at mukhang wala ng balak bumalik. Baka dito na ako mabulok ng tuluyan dahil ginawa ko ang lahat at sinubukan kong lumabas pero paulit-ulit lamang akong pinigilan ng mga tauhan niya, dahil wala umanong pahintulot ni Dexon kaya hindi umano ako makalabas.
Nakakainis at nakakapikon na talaga. Para akong priso at ibon na nakakulong dito sa bahay na ito at wala akong ibang magawa ku
